بسم الله الرحمن الرحيم :-
انا حقيقي اتعلمت كتير منك . وكنت عملت فيديو شرحت في حالتي ونزل في فيديو المتابعين . باختصار ..
كنت بادخن التدخين الالكتروني لمدة سنتين ونصف ووصلت لمرحله انى بصنع الليكويد الي بشربو .. وحابيتو جدا وبقيت شره في الشرب بنيكوتين عالى .. مما تسبب فجاءه بأزمه تنفسيه شديده وانا مسافر لوحدى وفي نصف الطريق وكنت في بداية تطبيقي لرجيم الكيتو نفسي وقف تقريبا وربنا ستر وقدرت اوصل من بعد بكاء عنيف لواحد صاحبي وداني للمستشفي والدكتور وصف حالتي وقتها بعرض نفسي تقريبا واداني ادويه مشيت عاليها دون تحسن .. والاعراض هيه ( ضيق شديد في التنفس .. ضرابات قلب قويه جدا لدرجة انها في مره صحيتني من عز النوم من قوتها ومكتنش قادر اخد نفسي , وهن في الجسم عام ) رحت ل 3 دكاتره بعد اليوم ده بدون نتيجه وكل دكتور كان بيوصف حالتي بشكل مختلف .. لحد ما في يوم بالصدفه وقع فيديو الدكتور كريم علي قدامي علي اليوتيوب , عجبني شرحو وفهمت كويس وكان فيديو الكيتو .. وانا من الناس والحمد لله بحب اتعلم وافهم !!! ركز معاه في فيديوهاتو وابتديت افهم ايه هيه المعادن واهميتها وايه اهمية الفيتامينات ومشاكل الالبان والاسبرولينا والماتشا .. دا حتي الشيلاجيت جيبتو وباخدو يوميا .. ومن كتر ما بركز في الفيديوهات .. بقيت دكتور العيله والاصدقاء 🙂 الي عندو مشكله في الهضم اقولو واحكيلو عن خل التفاح ةالبروبايوتك .. والي عنها انيميا .. والي عندو مش عارف ايه بفتكر انت قولت ايه واقولو للقدامي علي حسب الموقف .. ماذا اقول
وفي نهاية مشكلتي وازمتي فضلي عارض متوسط القوه ان ضربات القلب قلبي كانت قويه بعض الشيء واستمرت فتره كبيره معايا المشكله دي لحر ما شفت فيديو القسط الهندي .. ودى كانت نهاية المشكله دى الحمد لله ..
فا الفضل كل الفضل لله اولا .. وانت من بعد ربنا .. وانا من العائله داخل في السنه تقريبا .. ومبسوط وبحاول انشر فيديوهاتك علي كل الي اعرفهم وبشجعهم انهم يتغيرو للاحسن ويفهمو ازاى يتعاملو مع جسمهم .. فعلا الجهل وحش والاوحش انك تبقي رافض للتغيير ..بقولها وهفضل اقولها ..تحياتي ليك ولكل واحد بيشاركك المجهود الي بتعملو ونفسي جدا وباى طريقه ان اشارك في المجهود ده .. جزيل الشكر والعرفان والتقدير ليك يا دكتور كريم ورينا يوفقك دايما وتزيد كل الي حواليك علم ودى نعمه كبيره رينا هيجزيك عنها كل خير..
احمد عصام الدين
من مصر
